De kop is der ôf by Toanielselskip Sint Nyk. Freedtejûn 31 jannewaris 2026 gie yn Zalencentrum Sint Nyk de earste útfiering fan De Nachtklup oer de planken. Nei moannen fan tarieding stienen de toanielspilers foar it earst foar publyk en brochten se in ferhaal fol glitter, glamour en ûnderlizzend gedoch ta libben.
Foar de foarstelling fan sneontejûn 1 febrewaris binne noch in pear kaarten beskikber. Sneon 14 febrewaris 2026 is útferkocht. Dêrnei folgje yn de kommende wiken noch mear útfieringen, wêryn de toanielspilers it ferhaal fan De Nachtklup fierder útwurkje en ferfetsje. ,,Wa’t der juster net by wêze koe, krijt dus noch kâns om him ûnderdompelje te litten yn de wrâld fan de nachtklup – mar wachtsjen is net ferstannich.’’
Yn de nachtklup op it poadium ûntfaltet him in wrâld fan grutte dreamen, skerpe dialogen en botsende karakters. De spilers jouwe elk op harren eigen wize kleur oan it stik en litte sjen hoe’t skyn en werklikheid yn sa’n klup ticht byinoar lizze kinne. De earste foarstelling markearret it begjin fan in searje jûnen dêr’t de spanning, humor en emoasje hieltyd fierder útdjippe wurde.
Folop sfear yn de nachtklup Chez Dolly, ek al tidens de generale repetysje.
