Toanielselskip Sint Nyk is fanôf septimber 2024 wer drok dwaande mei har nije produksje. Dit jier spilet it selskip it stik ‘Do silst libje’, nei it toanielstik "Jij zult leven", fan Carl Slotboom, oerset troch Roel van Nijen út Sint Nyk.
It is it op wierheid basearre ferhaal fan Salomon Perel (1925-2023), in Joadske man yn oarlochstiid, dy 't jierren letter noch hieltyd wrakselt mei syn ferline. Ekstra bysûnder is it jier wêryn dit toanielstik spile wurdt, want it is yn 2025 nammentlik 80 jier lyn dat Nederlân befrijd waard.
Spyldata binne 24, 25, 31 jannewaris en 1, 7 en 8 febrewaris yn it Zalencentrum Sint Nyk. De foarstellingen begjinne om 20.00 oere, seal iepen 19.30 oere. De kaartferkeap is yntusken útein set by drogisterij De Magneet yn Sint Nyk en op www.toanielstnyk.nl.
Illustraasje: Toanielselskip Sint Nyk
